WIE IS ONS?

Welkom van die Hoof se kantoor

Dit gaan maar oor die kinders. Dit het nog altyd. Eerstens lei ons hulle in die weg van Jesus om sodoende die Koninkryk uit te brei. Tweedens om volwassenes te word wat:

*Persoonlike verantwoordelikheid sal aanvaar vir hulle optrede en keuses.

*Bydraende lede van die samelewing sal word.

*Vrylik diens aan ander sal lewer..

Dit is my doel om ‘n omgewing te skep vry van onnodige stres, afknouery en ongewenste groepsdruk. Verder wil ons in liefde en vrede saamwerk en goeie herinneringe vir kinders bou.

My persoonlike pad sluit meer as twintig jaar in die onderwys en 13 jaar in die besigheidswêreld in. Dit het ook maar sy uitdagings gehad – soos alle mense se lewens! Ek weet egter dat God my na Baken toe gelei het om Sy taak op my klein manier te kan dien.

Ek is ewig dankbaar vir elke kind, kollega en ouer wat kies om die pad saam ons te stap. Elke dag is ‘n vreugde en ‘n seën!

Groete

M. Gericke, Hoof

Baken Akademie is ‘n privaatskool in Northwold, Randburg.

By Baken Akademie skep ons ‘n omgewing en atmosfeer waarin elke kind tyd gegun word om hulle spesiale talente te kan ontdek en ontwikkel. Daar is ‘n sterk klem op akademiese uitnemendheid volgens elke kind se vermoë.

ONS BIED ONDERRIG AAN VANAF GR RR TOT EN MET GR 12 IN 2019.